O clero, dividido en alto e baixo clero, é un dos estamentos privilexiados, que goza da exención de impostos e recibe o "dezmo" polo aluguer das súas propiedades
A nobreza, estamento aristocrático, está dividida en alta e baixa nobreza. Esta última ten a maior parte das terras e goza da exención de impostos. Nos Estados Xerais, alíase habitualmente co clero para votar conxuntamente, "por brazo", e impor calquera proposición sobre o Terceiro Estado
O Terceiro Estado, oprimido polos impostos e privilexios dos outros estamentos privilexiados, está aquí representado por un membro da burguesía. Dentro da súa heteroxeneidade, o Terceiro Estado alberga como grupo social máis concienciado coa vontade de obter poder político (o económico xa o foi acadando grazas aos negocios) á burguesía
Un campo de trigo e un carro simbolizan a importancia do campesiñado como grupo social do Terceiro Estado (estamento que supón máis do 90% da poboación); dentro do Terceiro Estado, o campesiñado supón unha proporción do 90% aproximadamente
A rocha que oprime ao Terceiro Estado -que non ten poder político- leva gravada a expresión "taille, impôts et corvées", isto é, "talla, impostos e corveas", impostos per cápita e consistentes en traballo gratuito nas facendas dos propietarios -as corveas- de herdanza feudal, que están obrigados a pagar a clero e nobreza os membros do Terceiro Estado, especialmente o campesiñado
