A actividade consiste na elaboración dun crucigrama interactivo orientado a achegar aos nenos, nenas e adolescentes os conceptos básicos relacionados coa protección da infancia e o bo trato. A través dunha ferramenta dixital como Genially, o alumnado deberá completar o crucigrama a partir de diferentes pistas vinculadas a termos como respecto, igualdade, violencia ou axuda.
Cada vez que se acerte unha palabra, activarase un elemento interactivo no que aparecerá unha breve explicación do concepto, acompañada dunha pequena reflexión ou exemplo práctico. Desta forma, a actividade non só pretende identificar palabras, senón tamén favorecer a comprensión dos valores e dereitos asociados á protección da infancia.
Esta dinámica busca fomentar a participación activa, promover a aprendizaxe significativa e sensibilizar ao alumnado sobre a importancia do respecto, a convivencia e a prevención da violencia.