Froggy Jumps
Berilgen táriypler kimge tiyisli ekenin tabıń.Online version
Berilgen táriypler kimge tiyisli ekenin tabıń.
1
«El namısı – er namısı», – degen ediń,
Ayıp mende betińe bir kelmep edim,
Hiylesi joq dushpan saǵan kiyik pe edi?!
Atasınan batpan kemis, telpek pe ediń?!
2
Patsha kewli balıqtayın tuwladı kep,
Haram oylar tula boyın uwladı kóp,
Qıyal menen xalqın matap massagettiń,
Júrek tolqıp xanasına sıymadı tek.
3
Sonday qıyın azamattıń ınjılǵanı,
Ólimge teń bir uwıs bop qısınǵanı,
Dedi sonda: – Jawǵa mazaq bolǵanım bul,
Kók táńirdiń shúy tóbemnen bir urǵanı.
4
Murttan kúlgen Iran jaqtıń Kir patshası,
Taxt iyesi, ulıǵıdur, húr qatshası,
«Xáp degende, jawlap alsaq qońsı eldi,
Sawǵa bolar jeri, taxtı, baw-baqshası!» .
5
Tıpırshılap ar tuwladı júreginde,
Jaw shapqanda maǵan máslik keregi ne?!
Qanjar urıp, qırshın qatıp óleyin men,
Obal bolmas mendey awsar úlegine!...
6
– Spargani..i..z, alańǵasar uǵlanım-ay,
Qálbim tilip, jerdi tislep qalǵanım-ay,
Kókiregimdi alawsız-aq kúydirdiń ǵoy,
Tıpırlatıp torǵa tiri salǵanım-ay
7
Arqar bolıp, aqlamadıń sútimdi sen,
Iyt jırtqanday ishim jalın, tútinlimen,
Kútpes ediń alagólek er bolmasań,
Qula dúzde «batpan quyrıq kútimdi» sen
8
Ayttı turıp: – Óytip hálek bolmasın dep,
Jerim gózlep, kózi qanǵa tolmasın dep,
Oǵuz suwdan ózim ótip barayın-dá,
Jarımes Kir haldan tayıp qalmasın dep
9
Degen edim, attıń jalın óreyin men,
Elge shapqan jawdıń kúshin kóreyin men,
Qolǵa túsken mártten júzi qara bolmas,
Óz qolımnan ózim, ana, óleyin men.
10
Jerimde jeti ákeńnen qarız qaldı ma?
Qaytıp alıw Kirge parız qaldı ma?
Tınısh eldiń tınıq shalabın shayqap,
Jesir menen jerge tarıs qaldı ma?
11
Massagetler heshkimge de qul bolmaydı,
Batır hayal, ersiz bolar, tul bolmaydı,
Oysızlıǵım orǵa jıqtı, anajanım,
Tumariske onday perzent ul bolmaydı
12
Jeńis mende, dabıl qaǵıp uralmayman,
Ishim jalın, boy kóterip turalmayman,
Qırshın ketken jigitlerdiń anasınıń,
Boyra-boyra kóz jasların kóre almayman
13
Qula dúzde attıń jalın órgeniń joq,
Massagettey sadaq baylap kórgeniń joq,
Ǵarǵıs alǵan! Basıń meste kelgindi Kir,
Qanxor shirkin! Xalqıń ushın ólgeniń joq.
14
Jalmawız Kir, qálbimdi qaq tildiń búgin,
Hayallıqqa alaman dep kúldiń búgin,
Balıqtayın tıpırshıdıń qollarımda,
Qarashıǵıń qanǵa batıp semdi búgin.
15
Kirge ayttı: suwǵa ıǵıp ketpe sen dep,
Kóterildi qolındaǵı aq taxtası.
16
Iship aldı qaraqanǵa bar sharaptı,
Ishke túsip xosh keypiyat, yosh tarattı.
Lashın quslar jemtik boldı ǵarǵalarǵa,
Miy aylanıp gúńgirt bastı átiraptı.
17
Júrgenim joq qara tamaq qulqın ushın,
Kóksimdegi janım qurban xalqım ushın,
Júregińde otıń bolsa atlanıńlar!
Turan jerin quzǵınlardan artıw ushın.
18
Sumlıǵı joq, balqıp ishti, sorqaynaǵan,
Biyhush jattı saratanda mıs qaynaǵan,
Tásil etip qashqan túlki qaytıp keldi,
Kózin ashsa átirapın jaw jaylaǵan.
19
Gódek uǵlan janın kókke tapsıradı.
Eki jaqtı endi ábden qas qıladı,
Ana quyash gúl jaynatqan Turan jerin,
Júrek jutıp hiyleker Kir basqıladı.
20
Qurban qıldı alańǵasar jarqınımdı,
Ókinishten óksik qısar alqımımdı,
Qaytpas bolsa kókpar shelli kórmegenim,
Kórsin zalım búrkit pánje, taqımımdı.
21
Hayallarǵa jaw kiyimin kiydireyin,
Atqa baylap jawǵa jerim súydireyin,
Káman tartsaq sadaq qıya ketip qalar,
Oń kóksimdi kósew menen kúydireyin.
22
Jıyıp turman tánge sabır tózimdi men,
Qıymay turman qara jerge kózimdi men,
Qan jutsam da dushpanlarım kúlmes ushın,
Hám márdana tutıwım shárt ózimdi men.
23
Sumlıqtan sál salımsızlaw ósken bala,
Shól perzenti, hiyleden bos, isi shala,
Dasturqandı kózleri jep qılǵınıp tur,
Aylanshıqlap dize búkti júzi qara!
24
Ala burqan, ala shańǵıt qula dala,
Tuyaqlarǵa taplanılǵan juwsan, lala,
Ańsız turǵan jaw qanjarın julıp alıp,
Jan jerine ... urdı, qara!
|
Test your knowledge of ethos, pathos, and logos with these 10 questions on examples of persuasive techniques.