Asertibitatea premiak, iritziak eta emozioak argi eta errespetuz adierazteko gaitasuna da, norberaren eta besteen eskubideak kontuan hartuta. Pertsona asertibo batek errespetuz komunikatzen ditu bere ideiak, eta "nik sentitzen dut" edo "gustatuko litzaidake" bezalako mezuak erabiltzen ditu lehen pertsonan, pentsatzen duena adierazteko, gatazkarik sortu gabe.
Gainera, DAIO (DESC gaztelaniaz) teknika erabil daiteke: egoera deskribatu, nola eragiten duen azaldu, irtenbide bat iradoki eta aldaketaren ondorio positiboak adierazi. Esaldi sinpleak egiteak eta egoera errealetan muga argiak ezartzeak trebetasun hori garatzen laguntzen du, eta horrek autoestimua hobetzen du, harremanak indartzen ditu eta gatazkak murrizten ditu.
Hala ere, badira oztopoak, hala nola liskarraren beldurra edo besteen onespenarekiko kezka. Asertibitatea hobetzeko, estrategia eraginkor bat role-playinga edo feedback bidezko simulazioak egitea da, konfiantza irabazteko eta komunikazio seguruagoa praktikatzeko aukera ematen baitute.
Asertibitateari buruzko hurrengo jokoan, kontzeptu horri buruzko aukera zuzena erantzun beharko duzu, Aurrera!